ԵԿՄ նախկին փոխնախագահ, Երևանի նախկին քաղաքապետ Ալբերտ Բազեյանը հայտարարել է, որ այս տարի հենց եղանակները մի քիչ տաքանան, անձրևները կտրվեն, ընդդիմադիր շարժումներ են սկսելու:
«Եղանակները մի քիչ տաքանան, անձրևները կտրվեն, սկսելու են ընդդիմադիր շարժումները: Օր առաջ պետք է համախմբել մեր ժողովրդին, առողջ ազգային ուժերին, հայրենակցական միություններին, հասարակական կազմակերպություններին, ընդդիմադիր քաղաքական ուժերին:
Մենք ոտքի ենք հանելու մեր ժողովրդին, ամբողջ Հայաստանով մեկ, մինչ այդ մասնաճյուղեր ենք բացելու բոլոր համայնքներում, Երևանի բոլոր համայնքներում, խոշոր քաղաքներում և բնակավայրերում, Մեղրիից մինչև Աշոցք ոտքի ենք հանելու մեր ժողովրդին»,- հայտարարել է նա։
Ըստ Բազեյանի, այսպես ասած, պարտադրելու են վարչապետ Նիկոլ Փաշինյանի և կառավարության հեռացումը, նաև լուծարելու են գործող Ազգային ժողովը:
«Արցախը կորսված չէ, Արցախը ժամանակավոր անցել է Ադրբեջանին, մենք հետ ենք բերելու»,-ասել է Բազեյանը
Նյութի աղբուր