Վիլեն Գաբրիելյանը սոցցանցի իր էջում շնորհակալություն է հայտնել աջակցության խոսքերի համար և ներողություն խնդրել հարյուրավոր մարդկանցից, ովքեր նամակներ են գրել, որոնց ֆիզիկապես չի հասցրել պատասխանել:
Միակ բանը, ըստ Գաբրիելյանի, որի համար մի քիչ նեղվում է, մի քանի նախաձեռնություններն են, որոնց վրա տարիներով աշխատել են, և որոնք, փաստացի, լիազորություն չի ունենալու փորձել շարունակել տանել առաջ:
«Ըստ այդմ, դիմում եմ ԱԺ պատգամավորներին:
Հարգելի գործընկերներ, ունեմ 0-ից մշակված՝
«Ռազմամարզական գործնեության մասին օրենք», Կառավարության և մասնավոր ոլորտի ներկայացուցիչների հետ քննարկված 95% համաձայնեցված
«Հակաականային(ականազերծման) գործնեության մասին օրենք», Կառավարության հետ քննարկված, առաջարկների հիմման վրա վերամշակված, դեռ չհամաձայնեցված
«Ռազմական նշանակության արտադրանքի մասին օրենք» նախնական սևագիր
«Զենքի շրջանարության կարգավորման մասին օրենքի» փոփոխությունների փաթեթ, որը հիմնված է մեր կատարած մոնիթորինգի և այլ գործընկերների առաջարկների վրա:
Կան էլի նախագծեր, սակայն որոնք որ դեռ «հում են», և աշխատանքեն պահանջում, բայց նույնպես կարևոր:
Պնդում եմ, որ բոլոր նախագծերը ունեն ռազմավարական նշանակություն Հայաստանի Հանրապետության անվտանգության և հասարակության պաշտպանության ու տոկունության բարձրացման համար:
Ցանկացած պատգամավոր, որը ցանկություն կհայտնի, պատրաստ եմ նախագծերը տրամադրել իրեն, իրենց ամբողջ վերլուծական և հիմնավորումների բազայով: Այդ թվում ցանկացած կարգի աջակցություն ցուցաբերել:
Եղե՛ք զգոն, սառնասիրտ, հավասարակշիռ, ուժեղ, տոկուն»,- գրել է նա:
Գաբրիելյանն ավելի վաղ հայտնել էր, որ հրաժարվում է մանդատից, նաև նշել՝ անցած կիրակի Գյումրի քաղաքում իր մասնակցությամբ միջադեպերը համարում է ոչ վայել Հայաստանի Հանրապետության Ազգային Ժողովի պատգամավորի վարքին:
Պատգամավորի՝ ներողության և մանդատը դնելու պատճառը Գյումրիում մարտի 30-ի լույս 31-ի գիշերը տեղի ունեցած իրադարձություններն են: Գաբրիելյանը գինովցած վիճակում փողոցում աղմկել էր, խախտել հասարակական կարգը, վեճի բռնվել լրագրողների հետ և հայհոյել:
Նյութի աղբուր