Հայաստանի երկրորդ քաղաքը՝ Գյումրին, շարունակում է մնալ ուշադրության կենտրոնում, իսկ այնտեղ տեղի ունեցող քաղաքական զարգացումները զավեշտ կամ ավելի ճիշտ՝ տրագիկոմեդիա են հիշեցնում:
Բանն այն է, որ բուռն քարոզարշավից ու ընտրություններից հետո ընդդիմությունն ամբողջական թևով պայքարում է, որպեսզի Գյումրիում «Քաղաքացիական պայմանագիրը» չունենա քաղաքապետ, կամ այլ կերպ ասած՝ Գյումրին ունենա ընդդիմադիր համայնքապետ:
Թե ո՞վ կլինի Գյումրու նոր քաղաքապետը, կախված է ձայների քանակով երրորդ տեղում հայտնված թեկնածուի՝ Մարտուն Գրիգորյանի դիրքավորումից:
Ձայների քանակով երկրորդ թեկնածուի՝ Վարդան Ղուկասյանի և Մարտուն Գրիգորյանի միջև «մենամարտը», ասես, վերածվել է շախմատային պարտիայի, որտեղ կողմերը յուրաքանչյուր քայլից առաջ առնվազն օրեր շարունակ մտածում են:
Տեսնելով, որ ընդդիմության խաղը դրական արդյունք չի գրանցում, և/կամ կարող է վերջանալ՝ հօգուտ ոչ ոքի, այլ հակառակը՝ հօգուտ իշխող ուժի՝ խաղի մեջ է մտել, ինչպես ինքն է իրեն հռչակել՝ Գյումրու համար առաջին «ընդդիմադիրը»՝ Շիրակի թեմի առաջնորդ Միքայել արքեպիսկոպոս Աջապահյանը:
Նա ուշագրավ հայտարարություն է արել, որ պատրաստ է միջնորդ դառնալ Վարդան Ղուկասյանի և Մարտուն Գրիգորյանի հաշտեցման ճանապարհին, որպեսզի նախընտրական շրջանում օրնիբուն «աղոթք» անող Ղուկասյանը դառնա քաղաքապետ։
Մինչ հոգևորականները՝ աղոթելու փոխարեն քաղաքական հարցերով են տարված, Գյումրին և գյումրեցին ուշի ուշով սպասում են զարգացումներին և նաև քաղաքապետի, քանի որ քաղաքում անելիքները քիչ չեն, կուտակված աշխատանքը՝ նույնպես։
Գյումրիում տեղի ունեցող իրադարձությունների վերաբերյալ «Հայկական ժամանակ»-ը զրուցել է Անվտանգային քաղաքականության հետազոտական կենտրոնի ղեկավար Արեգ Քոչինյանի հետ:
Նյութի աղբուր