Մարտի 28-ին Լոռու մարզում կրակոցների են հնչել, երբ 18-20 դիմակավորված անձ ապօրինի մուտք է գործել Հաղպատ բնակավայրի վարչական տարածքում գտնվող «Անմոռ» ՓԲԸ-ին պատկանող փիրուզի հանքաքարի տարածք և փորձել հանքանյութ գողանալ:
Ինչպես հայտնում է Shamshyan.com-ը, պարզվել է, որ ՀՀ ներքին գործերի նախարարության ոստիկանության համայնքային ոստիկանության գլխավոր վարչության Թումանյանի բաժնի ծառայողները, երբ հետապնդել են կասկածյալներից մեկին, ով եղել է գողոնով և ասել են, որպեսզի նա կանգնի, հակառակ դեպքում՝ կկրակեն:
Այդ կասկածյալը հայտնել է, որ ինքը նույնպես զենք ունի և կկրակի, ինչից հետո ոստիկաններից մեկը կրակոցներ է արձակել, որի հետևանքով էլ կասկածյալը հրազենային վնասվածք է ստացել:
Նա Լոռու մարզի Շնող բնակավայրի բնակիչ Էդգար Խառատյանն է, ով տեղափոխվել է «Ալավերդի» բժշկական կենտրոն, որտեղ բժիշկների կողմից անհրաժեշտ բուժօգնություն ստանալուց հետո տեղափոխվել է Երևանի «Սուրբ Գրիգոր Լուսավորիչ» բժշկական կենտրոն:
Դեպքի փաստով ոստիկանության Թումանյանի բաժնում փաստաթղթեր են ձևակերպվել, որոնք փոխանցվել են Թումանյանի քննչական բաժին, որտեղ դեպքի փաստով նախաձեռնվել էր քրեական վարույթ, որտեղ էլ պարզվում էր մասնակիցների ինքնությունը։
Նյութի աղբուր