Գյումրիում ստեղծվել է մի իրավիճակ, երբ քաղաքացիներից շատերը իրենց խաբված են զգում։
Ընդդիմադիր թեկնածուներից Կարեն Սիմոնյանը և Ռուբեն Մխիթարյանը ընտրություններից անմիջապես հետո հայտարարեցին Վարդանիկին միանալու մասին՝ փաստելով, որ ի սկզբանե միտված էին գյումրեցիներից քվե կորզել։ Իսկ Վարդան Ղուկասյանին քաղաքապետ դառնալու համար պակասում են միայն Մարտուն Գրիգորյանի ձայները։
Մարտուն Գրիգորյանը մինչ այս պահը դեռ չի հստակեցրել՝ կմիանա Վարդան Ղուկասյանին , թե ոչ։ Սակայն միայն այն միտքը, որ Վարդան Ղուկասյանը կրկին կարող է դառնալ քաղաքապետ, շատերին արդեն սարսափեցնում է։ Դրանով է պայմանավորված Գյումրիում Մարտուն Գրիգորյանի հասցեին հնչող մեղադրանքները։
Գյումեցիների կարծիքով Մարտուն Գյումրիին ամենամեծ վատությունը կանի, եթե միանա Վարդան Ղուկասյանին ու նրան դարձնի քաղաքապետ։
«Քավորի արունը բդի ուրանա՞։ Ըբը Մարտունի թասիբ, նամուսն ուրա՞։ Քավորի արունը ուրացողը ի՞նչ երսով բդի քաղաք ելնի»,- ասում են գյումրեցիները։
Նյութի աղբուր